top of page

ហេតុអ្វីបានជាលោកស្រី ប៊ុន ចាន់និមល បង្កើត សាស្ត្រាហ្វៀម អេប (Sastra Film App)?

ហេតុអ្វីបានជាលោកស្រី ប៊ុន ចាន់និមល បង្កើត សាស្ត្រាហ្វៀម អេប (Sastra Film App)?​

ខ្ញុំធ្លាប់គិតថាកាលដែលយើងធ្វើរឿងហើយលក់ចេញទៅក្រៅប្រទេស ឬលក់ទៅឱ្យ App របស់បរទេស វាជាមធ្យោបាយដែលជួយផ្សព្វផ្សាយកេរ្ដិ៍ឈ្មោះ ក៏ដូចជាពង្រីកទីផ្សារឱ្យធំ តែក្រោយពេលអង្គុយគិតឡើងវិញ ខ្ញុំក៏បានរកឃើញថាការលក់ចេញវាជារឿងម្យ៉ាង ប៉ុន្ដែនៅពេលលក់នៅលើទីផ្សារដ៏ធំយ៉ាងម៉េចបានបើរឿងយើងមានតែបរិមាណតិចតួច គេអាចមើលរឿងយើងមែនតែគេមិនអាចដឹងថារឿងនោះជារបស់ប្រទេសណាមួយឡើយ។



Bun Chanimol with Sastra Film App
Bun Chanimol with Sastra Film App


នៅតាមបណ្ដាប្រទេសរីកចម្រើនឈានមុខគេមាន App ផ្សព្វផ្សាយភាពយន្ដរបស់គេ។ ប្រសិនបើយើងរវល់តែផ្ដោតធ្វើរឿងលក់ទៅឱ្យគេ តើពេលណាយើងមានអ្វីដែលជារបស់ខ្លួនឯង? បើជ្រុលធ្វើលក់ឱ្យគេចុះហេតុអ្វីមិនធ្វើលក់ដោយខ្លួនឯង? បែបនេះហើយទើបខ្ញុំគិតថា ខ្ញុំត្រូវបង្កើតឱ្យមាន App មួយជារបស់ខ្មែរផលិតដោយកូនខ្មែរ ខ្ញុំដឹងថាក្នុងពេលចាប់ផ្ដើមដំបូងអាចនឹងពិបាកស្វែងរកអ្នកគាំទ្រឬពិបាកក្នុងការរកប្រាក់ចំណេញ ប៉ុន្ដែបើយើងមិនចាប់ផ្ដើម យើងរវល់តែប្រើរបស់គេ ទីបំផុតយើងនឹងគ្មានអ្នកចាប់ផ្ដើម ទើបខ្ញុំសម្រេចចិត្តបង្កើតAppសាស្ដ្រាហ្វៀមនេះ។


ខ្ញុំជឿជាក់ថាបន្ដិចម្ដងៗនៅពេលដែលខ្ញុំរៀនសូត្រពីកំហុស បទពិសោធន៍នៃការផលិតភាពយន្ដរាប់រយរឿងមិនយូរទេយើងនឹងផលិតភាពយន្ដមួយដែលល្អប្រកបដោយគុណភាព ពេលនោះយើងនឹងទាញចំណាប់អារម្មណ៍ប្រជាជនទាំងក្នុងនិងក្រៅប្រទេសឱ្យមកទស្សនាភាពយន្ដនៅក្នុងAppរបស់ខ្មែរដែលតំណាងឱ្យភាពយន្ដនៅក្នុងប្រទេសកម្ពុជា។ មួយវិញទៀត មូលហេតុដែលយើងមិនយកភាពយន្ដបរទេសមកចាក់នៅក្នុងSastra Film Appព្រោះទីផ្សារភាពយន្ដទាំងនោះគេអាចលក់ទៅកាន់ពិភពលោកស្រាប់មកហើយ ដូចនេះមានតែភាពយន្ដយើងទេដែលពិបាកធ្វើចរាចរនិងឱ្យគេស្គាល់នៅលើទីផ្សារជុំវិញពិភពលោក។



Bun Chanimol at USA (Warner Bros Studio)
Bun Chanimol at USA (Warner Bros Studio)


ដូច្នេះយើងព្យាយាមរក្សាអត្តសញ្ញាណផ្ទាល់ខ្លួនមួយជារឿងរបស់យើង បើយើងដាក់ភាពយន្ដបរទេសចូលទៅក្នុងនោះដែរប្រៀបដូចគេមកមើលAppយើងដោយភាពយន្ដបរទេស តែបើយើងយកតែរឿងខ្មែរសុទ្ធមកបង្ហាញ​នោះស្មើនឹងយើងប្រកាសថា គេដោនឡូតAppសាស្ដ្រាហ្វៀមគេសម្រេចចិត្តមើលភាពយន្ដខ្មែរមិនមែនដោយសារចង់មើលរឿងបរទេសនោះឡើយ។


រហូតមកដល់ពេលនេះ App សាស្ដ្រាហ្វៀម បានផលិតភាពយន្ដជាង៤០០ចំណងជើង នៅក្នុង App យើងបន្ដចេញផ្សាយនិងអនុវត្តខ្លួនជាប្រចាំ។ យើងទទួលបានការដោនឡូតAppក្នុងតួលេខមួយខ្ពស់ ក្លាយជាTop1នៅក្នុងប្រទេសកាលពីចុងឆ្នាំ២០២២ ហើយក្នុងអំឡុងពេលចេញផ្សាយដំបូង App របស់យើងតែងតែជាប់នៅក្នុង Top 2 រយៈពេលកន្លះឆ្នាំនៃការដោនឡូត។



Bun Chanimol with Sastra Film App
Bun Chanimol with Sastra Film App


ដូចនេះយើងជឿថា យើងនឹងទទួលបានការគាំទ្រពីប្រជាជនក្នុងស្រុក ហើយបន្ដិចម្ដងៗនៃការគាំទ្រជាកម្លាំងមួយនៃការធ្វើឱ្យAppរបស់យើងមានភាពទូលំទូលាយ។ បច្ចុប្បន្ន Sastra Film App បានដាក់ដំណើរការប្រមាណជា១៦០ប្រទេស។ សម្រាប់សេវាបង់ប្រាក់វិញស្ថិតក្នុងបរិមាណសមរម្យបំផុត គឺត្រឹមតែ៥ដុល្លាក្នុងរយៈពេល១ខែ ហើយមធ្យោបាយបង់ប្រាក់បានពីគ្រប់ទិសទីមានច្រើនជម្រើសដូចជា តាមបណ្ដាញធនាគារផ្សេងៗ ដែលមានដូចជា ABA, Wing, True Money និង ក្រេឌីតកាត (Credit Card) Visa, Master Card ក៏ដូចជា Apple Pay, Google Pay, ។


ទាញយកកម្មវិធី Sastra Film App តាមរយៈតំណនេះ https://sastrafilmapp.page.link/watch-now ដើម្បីទស្សនាភាពយន្តខ្មែរជាច្រើន។ ចូលក្នុង Telegram Channel របស់ Sastra Film App ដើម្បីទទួលបានដំណឹងថ្មីៗមុនគេ https://t.me/sastrafilmapp







Comments


CEO and Founder of SASTRA FILM.

  • Facebook
  • Twitter
  • LinkedIn
  • Instagram
bottom of page