top of page

១នាទីអំពីដំណើរជីវិតរបស់លោកស្រី ប៊ុន ចាន់និមល និងសាស្ត្រា ហ្វៀម


Bun Channimol at Sastra Film App Gala Laughing Event 2021
Bun Channimol at Sastra Film App Gala Laughing Event 2021

ការផលិតភាពយន្តគឺជាក្តីសុបិនរបស់ខ្ញុំតាំងពីនៅវ័យកុមារភាព។ ខ្ញុំជាកូនខ្មែរកម្ពុជាក្រោម ដែលតែងតែទៅរៀនអក្សរខ្មែរនៅវត្តបន្ថែមដើម្បី​បណ្តុះក្តីសង្ឃឹមក្លាយជាអ្នកនិពន្ធ។ នៅ​ឆ្នាំ​១៩៩៩ ខ្ញុំអាយុ​៩ឆ្នាំ គ្រួសារខ្ញុំបានផ្លាស់ទីលំនៅមកប្រទេសកម្ពុជាដោយជំនឿចិត្តថាខ្ញុំនឹងក្លាយជាអ្នកនិពន្ធពេលធំឡើង។ ខ្ញុំបានព្យាយាមរៀនវគ្គៗខ្លីអំពីការតែងនិពន្ធ​ តែខ្ញុំបានត្រឹមធ្វើជាអ្នកយកព័ត៌មាននៅពេលរៀនចប់​ ហើយឱកាសក្លាយជាអ្នកនិពន្ធភាពយន្តវាជារឿងដែលលំបាក​ព្រោះខ្ញុំមិនអាចរកកន្លែងធ្វើការផ្នែកភាពយន្តបាន។ ឆ្នាំ២០១៥ ខ្ញុំបានសម្រេចចិត្តបើកក្រុមហ៊ុនផ្ទាល់ខ្លួនលើការផលិតភាពយន្ត​ជាមួយដើមទុនដំបូង ១០០០ដុល្លារ​ហើយបានការគាំទ្រពីស្វាមីនិងប្អូនៗ​ដែលមករួមការងារកសាងក្រុមហ៊ុននេះឡើងយ៉ាងមោះមុតតាំងពីថ្ងៃចាប់ផ្តើម។


ផ្តើមពីមានចំនួនបុគ្គលិកតែម្នាក់​រហូតកើនដល់១៥០នាក់​និងបានផ្តល់ឱកាសការងារដល់សិល្បៈករសិល្បៈការិនី​ប្រមាណ២០០នាក់ក្នុងមួយឆ្នាំ​។ យើងចាប់ផ្តើមក្រុមហ៊ុនពីការផលិតភាពយន្តរយៈពេល៣នាទីចាក់ផ្សាយលើFacebook។


បច្ចុប្បន្នយើងផលិតបានភាពយន្តរាប់រយភាគក្នុងមួយឆ្នាំ​ក្នុងនោះយើងមានមាតិការភាពយន្តខុសៗគ្នាដូចជា:

  • ភាពយន្តភាគខ្នាតវែង ២៥០ភាគ ក្នុងមួយឆ្នាំ

  • ភាពយន្តខ្នាតធំ ២៤រឿង​ក្នុងមួយឆ្នាំ

  • ភាពយន្តជីវិត ៥២រឿង ក្នុងមួយឆ្នាំ

  • ខ្សែរឿងជីវិត ១៨រឿង មួយឆ្នាំ


Bun Channimol at Busan Film Festival 2022
Bun Channimol at Busan Film Festival 2022

Sastra Film Team Photoshoot 2022
Sastra Film Team Photoshoot 2022

យើងមានកម្មវិធីទស្សនាភាពយន្តផ្ទាល់ខ្លួនហៅថា Sastra Film App ​ដែលមានមាតិការប្លែកៗចេញផ្សាយជាប្រចាំផងដែរ។ យើងប្តេជ្ញាចិត្តក្នុងការអភិវឌ្ឍន៍ខ្លួនដើម្បីនាំយកភាពយន្តខ្មែរប្រកបដោយគុណភាពសម្រាប់មនុស្សជុំវិញពិភពលោកទស្សនា។



Bun Channimol at Tech Expo 2022 Event
Bun Channimol at Tech Expo 2022 Event


ជាអគ្គនាយិកា លោកស្រីបានដើរលើវិថីនេះអស់ជាង ៧ឆ្នាំ ដែលបានបង្កើតកូនក្រុមហ៊ុនចំនួន ៥ ដែលស្ថិតក្រោមក្រុមហ៊ុន សាស្ត្រាហ្វៀម បើគិតត្រឹមឆ្នាំ ២០២៣។



Sastra Film and Sub Companies
Sastra Film and Sub Companies


30 views0 comments

Comments


CEO and Founder of SASTRA FILM.

  • Facebook
  • Twitter
  • LinkedIn
  • Instagram
bottom of page